BAKKETUN UNGDOMSSKULE
Av H. Hofset.
 
Skulen vart bygd på tomt utskild frå garden Mikvold. Tri mål av
tomta vart gjevne av bonde Lauglo, som da åtte garden, og 5V2 mål  vart kjøpt.
Seinare vart kjøpt enda eit stykke jord frå same garden.
Staden der skulen ligg, var frå gamalt kalla «Sjåppåfoten», og skal  tyda skipslandeplassen. Så seint som i vikingetida hadde nok elva og sjøen gått heilt inn til terrassemælen der skulen no ligg. På båe sider av skulestaden ligg fleire store gravhaugar som og vitnar om det same. Ved graving av kjellar til bustad åt ein av lærarane på skulen, fann ein ei skipsgrav tidfest til år 600—800 etter Kristus. Dei største haugane er ikkje gravne ut.
Eigar og drivar av skulen er Trøndelag krins av Det Norske
Lutherske Indremisjonsselskap. Skulen er ålmenndanande med teoretiske og praktiske fag både for gutar og gjenter.
Hovudbygnaden er reist i gamal trøndsk herregardstil. Skulen er
teikna av arkitekt Claus Hjelte. Stilen liknar på gamle Bakke gard i Trondheim, Gisvoll gard i Orkdal og Vinje gods i Mosvik.

----
s 272 Verdalsboka Bind 2A
---
Som byggenemnd var valde overlærar K. Petersen, skulestyrar
Grevskott, lensmann R. Holm vik, standard) unker Berg, handelsstyrar Minsås, bonde E. Muller og bonde Holan. K. Petersen var formann, og A. Grevskott skrivar i byggenemnda. E. Muller var formann i arbeidsnemnda.
Grunnsteinen til hovudbygnaden vart lagd ned hausten 1914, og
arbeidet med grunnmuren vart byrja først i november. Bygnadene
vart reiste på eitt år. Alt 20. oktober 1915 vart det halde ei enkel
opningshøgtid, og sjølve vigslehøgtida vart halden 6. november med frammøte av 1200 menneske. Vigsletalen vart halden av sokneprest H. Stabell.
Ny styrarheim vart bygd 1922, og smie og verkstadbygnad vart
bygde 1930. Første elevkull 1915 var på 68 unge. Sjølve internatet var bygd til 60 elevar, men undervisingsrom og salar for mange fleire.
Dei fleste åra har det søkt fleire elevar enn skulen kunne ta imot
til å bu på skulen. Men da mange elevar frå Verdal har budd heime, har elevtalet sume år vore heilt oppe i 90 på vinterkurset.
I dei økonomisk tronge åra 1924 —1930 gjekk søknaden ned. Etter 1930 steig søknadene att, og auka heilt til siste verdskrigen stansa  skulen for ei tid. Tyskarane tok skulen og hadde han til 1942, da dei forlet han.
Da overtok NS skulen og hadde han til frigjeringa 1945.
I denne tida vart det meste av skulen sine læremiddel og utstyr øyde lagde eller fjerna. Kjøkenutstyr, dekkty, sengty, gardiner og mykje  meir var øydelagde eller borte. Madrassane var øydelagde, og m. a. 50 senger borte. Fyrkjelane var sprengde. I smia var maskinar, utstyr og alle installasjonar og kablar fjerna.
Etter frigjeringa har skulen igjen rådd til og bygd opp att det som
var øydelagt, og ein har samstundes modernisert ymse, så skulen no atter er i god stand og har bra utstyr.
Etter krigen har søknaden til skulen vore stor, heller meir enn før
krigen. Tek ein dei praktiske gjentekursa med, har skulen frå starten og til no (1952) hatt i alt 2942 elevar. Av desse var 730 elevar frå Verdal. Utanom dei faste årlege kursa har skulen vore mykje nytta til lærarkurs, aspirantkurs, bibelkurs, gymnasiast-' og studentmøte, og til møte og stemne for ymse kristelege organisasjonar. Bernt Nordset var styrar av skulen 1915 —1942, da han døydde.
Nordset var fødd i Klæbu 3. mai 1883. Han tok eksamen ved Not
odden lærarskule 1904. Same året vart han tilsett som lærar på Fredly ungdomsskule. Der var han i 8 år. Frå 1912 var han styrar ----
s 273 Verdalsboka Bind 2A
---
 av Sør andets ungdomsskule, og var der til han kom til Bakketun. Skule styrar Nordset gjorde eit mykje dugande og godt arbeid mellom dei unge og for skuleheimen deira. Han er gravlagd på kyrkjegarden i Stiklestad.
Som lærarar har desse vore tilsette (vikarar er ikkje tekne med):

Ole L. Gjønnes, f. 1889, frå Orkdal. På Bakketun: 1915 —18.
Eleanor Berg, frå Trondheim, f. 1891. På Bakketun: 1915 —16.
Johanne Kolstad, Trondheim, f. 1889- På Bakketun: 1915 —23.
Ber et Ree, frå Meldal, f. 1884. På Bakketun: 1915 —42.
Anne Rishaug, frå Rennebu, f. 1885. På Bakketun: 1915 —42.
Mar got Markhus, frå Verran, f. 1895. På Bakketun: 1915 —17.
Egbert Olsen, frå Flatanger, f. 1896. På Bakketun: 1917 —
Henrik Hofset, Vinje, f. 1892. Lærar 1918 —45, styrar 1945 —
Ingebjørg Mælandsmo, Heddal, f. 1899. På Bakketun: 1923 —25.
Sverre Lindøy, frå Flatanger, f. 1916. På Bakketun: 1945 —
Bjørg Halle, frå Stangvik, f. 1909. På Bakketun: 1945 —
Nils Svarstad, Kvam, Hard. , f. 1918. På Bakketun: 1945 —48.
Karen Rogogjord, frå Rennebu, f. 1906. På Bakketun: 1946 —
Olav Runningen, frå Skjåk, f. 1916. På Bakketun: 1947—
Åsmund Fagerli, frå Orkland, f. 1921. På Bakketun: 1948 —
Bergljot Vikaune, frå Stjørdal, f. 1923. På Bakketun: 1949 —